Kisah Oto Utu Ongkub

Aduiii...kanapa laitu begitu...pukul sembilan malam lagi c oto suda sms c utu mo pigi jogging kunun bisuk pagi. Aadadaa..punya main awal. Abis dia orosian kunun inda jadi. Ba apalagi...di utak c oto manari nari suda mo pikir apa baju mo pakai pigi jogging.. Hahahaa.... Kalasu kepio kio.. Apa lah c oto itu... Nah, sakali malam-malam inda dapat modop ba c oto.. Itu mato inda bulih mo tutup. Minturug po yoto...kiri kanan... Panas kali c oto itu dia pun bangun. Ingatkan mo pi sambayang...rupanya dia ambil buku, pincil dan pamadam. Dia melukis apaitu kalu urang putih cakap design baju ba.. Macam-macam design lagitu.. Cantik pula sa tingu.. Macam cantik jer..macam comel jer...hahahaa.... Atukeii... Sikarang pukul dua pagi suda om c oto bulum tidur... Banyak kepio kanto idea diaitu... Sa pun inda siodop bei tapi itu mata pura-pura tutup...heheheee.... Tapi bagus juga abis c oto melukis sambil dingar lagu 'Muhammad Nabiku' nyanyian Hadad Alwi. Best tu lagu. Aaddadaaa...sa tiliu-tiliu c oto nga banyak suda meti dia lukis ei... Kalu nda silap sa belambar-lambar suda. Banyak kali no kenogi sa dingar c oto menyelak tu buku... Ermmm...macam mana laitu c oto mo pigi jogging bisuk. Lambat kodop. Oposik pedi ka c oto itu susuwabon bisuk. Sakali sa tingu c oto nga nakalatan no. Poinluwab ngawi book book om pincil nakatajar ngawi. Kongingis oku kokito. Apalagi sa pun ambi kasampatan mo tingu tu lukisan dia. Mana tau ada yang sa suka... Wowww....ogumu no c oto lukis. Bulih tahan mala c oto ini. Ba c ongkub ni inda melepas peluang...sa palan-palan tiru tu lukisan c oto. Susah pula oh kalu inda ada bakat melukis ni. Antam aja la labu... C oto suda tidur sa pula yang ganti. Tapi sa nda payah risau sebab tiada mo pigi mana-mana ba. Huhuhuuuu....pukul ampat pagi suda ini mata sa still segar ba. Woww...amazing. Sa pun sama juga sama c oto...malas mo buat sambayang malam. Padahal banyak kelebihan tu... 'Allahu Akbar Allahu Akbar....' takajut sa dingar azan subuh. Malas butul ba mo bangun tapi kalu nda bangun talajak nanti.... Lapas subuh bulih sambung tu tidur... Inilah rutin weekends. Gobulan tomod. Time sa mo sambung tidur...sa jeling tu jam ....jarum pindik terlimpas sikit tu numbur anam, jarum panjang d numbur lapan dan yang jarum halus sa nda jelas sebab sa inda pakai speak.... Itu mo dakat pukul tujuh pagi tu kan?... Tapi sa tingu c oto masi nyenyak modop. Itu bihis dia mangalir-ngalir lagi...eeee...bikin gali. Dia mo buat pata baru putrajaya kali... Aikk...sa hairan.. Samalam bukan main lagi dia ajak c utu mo pigi jogging... Sa kasi bangun dia... 'oto tungag koti...moi ko panangkus kio d..'... Ingga bongut dioto. Sa tenampakla fon dia... Rupanya c oto suda antar sms sama c utu kasi tau dia inda dapat pi jogging sebab oinggolou tulu ka... Hahahaaa.... Kotoh!!!....miagal nopo la kami. Errmmm....sa inda ada mo pigi...suda sambayang suda barus nipen...teruskan modop. Sadap ni tidur... Jam loceng berbunyi. Otogod no meti sa ei... Adui...suda pukul lapan satangah pagi. Kana bangun ni...harus mo buat senaman ringan. Sakali sa pusing c oto inda ada suda.. Aikkk...dia pigi mana?... Inda kasadaran pula dia bangun. Kira awal juga dia bangun. Selalu nopo om pukul 12pm dia tumungag. Time sa pi toilet sa tingu-tingu c oto inda ada. Mangkali dia tetidur d jamban. Hahahaaaa...... Rupa-rupanya c oto duduk termenung di dapan pintu kamar mandi. Mo tunggu tu air paip jadi panas kali. Anakal kono. Kalu d kampung airnya lagi sajuk... Sa keluar dari jamban c oto bulum lagi masuk mandi. Dia tunggu kunun sa abis birak baru mo masuk. Takut kagalian kosingud bau tai sa. Hahahaaaa..... Panas c oto dingar sa koirak. C oto tau kali tu sa bulum birak dari kamarin dulu...heheheeee... Eeee...owutong no kepio tai c ongkub. Ntah barapa lama dia simpan tu.. C ongkub lewat modop samalam om dapat juga dia bangun subuh. Tapi queen sambung tidur. Sa rasa c ongkub ada pigi tingu tu book sa. Mungkin dia pigi copy tu kali. Nanti sa check gia. C ongkub ni inda bulih percaya hundred percent. Dalam tinipi sa, sa dingar lagi c ongkub cakap sa mo buat pata baru putrajaya. Sakali sa bangun ada mala gia bihis sa.... Nanti ko sana ongkub. Mo bawa pigi jogging pun gobulan. Nakagayo no lo tian omm... Heh..inda pandai mo diet kan?... Inda kunun mo makan nasi tapi kuat makan burger etc. Ceh!!!... Ko tau kaitu ongkub... Ko makan satu bungkus burger bersamaan dua piring nasi. Mungkin tiga piring. Jadi mana yang bagus?... Bikin panas mo ijik-ijik sa mo diet. Aduiii...poingkuro monsu ti?...atamis tomod. Kalu d kampung bulih lagi minggiak-giak d kamar mandi...d sini ?....inda pasal-pasal sa kana panggil kambing gurun oleh c ongkub. Inda mau sa. Kasian pula sama c utu. Dia nda sabar suda mo pigi jogging tapi sa d inda jadi pigi. Abis la sa kana tumbuk c utu. Mimberiud bei sa nampak. Sa paksa-paksa po mo tumungag. Sa ingat lapas mandi mo talan tu panadol om sumambung modop. Tapi sa risau d ni. Apa mo makan?... Oooo....sa tenampak c ongkub buat sandwich telur. Bagus sa minta dia. 'ongkub kasi olu sa sandwich kio'. 'torusai no monsu'. Lapas sa mandi siap semua.... Ceh, sa ingat c ongkub suda kasi sedia tu sandwich. Dia kasi olu telur..masing-masing kaka mo taru d ruti. Pukising ko sana ongkub. Kuroyon podi...sorou po.... Yang penting minog pono moi pomoli...hahaaa.... Ponsikou kio ongkub. Ooohhh...nakakan nodi panadol om...modop podi la... Aiikkk... C ongkub pun sambung tidur juga???....miagal nopo yoto om yongkub. Oto dan ongkub suda sama-sama sambung tidur. Pukul barapa laitu durang bangun. C oto ok la abis suda mandi...yang c ongkub ini...lapas makan sandwich pigi tidur balik tapi auh po nokoponsu. Oohhooo..... 'Ongkuuuubbbb...tungaggggg....ongoi ponsuuuu....'. Napatayan no todop yongkub. Baa...hino koupo... Modop koipo dagai....
Sa nakagagang..nasib baik inda tecabut jantung sa. Apa nda c oto potugandang modop d kusyen. Masa bila dia tuminungag... Paling manang tu potugandang. Nasib baik telefon sa abis betiri bulum cas kalu nda sa ambil tu gambar dia kasi post d pasbok. C oto putung bawang rupanya. Tapi inda siap turus nokodop. Sampat c oto besuara 'ongkub, tulungo oku mogonsok kio..'. Sa ok ja abis tangaari suda baini. Witilon no. C oto suda putung bawang ngawi....eermmm...apalagi sa pigi la mogonsok. Huhuhuuu.... Sa masak lada putih baa. Sadap oh!... Bawang merah, bawang putih, layo, balasan, ikan bilis, tuhau, lada putih, mangga.....huhuhuuu.... Ringkas ja kan tapi rasa dia paling sandi baa.... C oto turus tabangun nokosingud... Paling manang c oto sa bulum lagi siap masak sup ayam dia suda terungak tu lada putih. C oto suda sms ngawi c utu mo datang makan... Abislah c oto dan utu queen makan padas. Makan lada satu mangkuk pun sihat sentiasa. Takano nga abis bepiring-piring. Nasib nda makan tu piring. 'Oto, ko nda pi alamanda ka?'. 'Buat apa pigi sana?'. 'Mansau-ansau monusi mato. Manatau kotuka ih korohian ginawo...'. Hahaaa.... Agangau no c oto dan utu... Itu kabang noponuan takano nga osonsog ih mimboros. Ngam laitu kamu. 'Baa...nanti lapas siap makan kita pigi'. Ermmm....oka podi diolo. Sa tingu gia durang tu. Manada durang tejalan tu... Lapas kanyang turus modop tu...modop sama samaitu piring durang. Aiikk...sa nga kana capat ni...takut owiyan tu lado topurak. Hahahaaa....

 

Welcome to Celcom MMS

An MMS has been sent to you containing the following attachement(s)

IKHLAS

Surah al-Haj ayat 37 bermaksud,"Daging dan darah haiwan korban ataupun hadiah itu tidak sekali-kali sampai kepada Allah. Yang sampai kepada Dia adalah amal yang ikhlas berdasarkan takwa".
Surah al-Imran ayat 29 bermaksud,"katakanlah wahai Muhammad,'sekiranya kamu sembunyikan ataupun melahirkan perkara yang ada dalam dada kamu, nescaya Allah mengetahuinya".

Hadis sahih.

Abu Hafs,"saya mendengar Rasulullah menjelaskan,'amalan seseorang ditentukan oleh niatnya. Oleh itu setiap orang mendapat apa yang dia niatkan. Itulah sebabnya orang yang berhijrah kerana Allah dan RasulNya, hijrahnya itu adalah kepada Allah dan RasulNya. Tetapi sesiapa yang berhijrah dengan niat hendak mendapatkan keuntungan di dunia ataupun mendapatkan isteri, dia mendapat apa yang dia niatkan semasa dia berhijrah".

Abu Hurairah melaporkan, Nabi Muhammad menjelaskan,"percayalah, Allah tidak memandang tubuh saudara-saudara, tidak juga paras rupa saudara-saudara, tetapi Allah memandang amalan saudara-saudara'". (muslim)

Ikhlas bukan mudah untuk dilakukan. Apalagi jika melibatkan duit. Ikhlas kah anda bekerja memberi perkhidmatan selama seminggu tanpa dibayar gaji? Contoh jer...